U raportua për kontrolle policore të autobusëve, Policia e Kosovës hedh poshtë pretendimet e mediave serbe

Lajme

U raportua për kontrolle policore të autobusëve, Policia e Kosovës hedh poshtë pretendimet e mediave serbe

Më: 3 prill 2022 Në ora: 12:08
Foto ilustrim

Mediat serbe po raportojnë se Policia e Kosovës po i kontrollon serbët që janë nisur drejt Serbisë për të votuar në zgjedhje. Nga institucioni për mbajtjen e rendit i kanë hedhur poshtë këto pretendime.

Fadil Gashi, zëdhënës i Policisë për rajonin e Pejës, i tha medias vendore se “nuk ka pasur raste të tilla”.

“Ne jemi për të ndihmuar qarkullimin”, tha ai. “Nuk ka ndalesa të autobusëve”.

Mediumi serb, Kossev, duke cituar një medium lokal serb, shkroi se Policia e Kosovës e ka ndaluar për gjysmë ore një autobus me serbë nga fshati Gorazhdec në rrugën Pejë – Mitrovicë. Sipas tyre, të gjithë pasagjerët janë nxjerrë jashtë dhe autobusi është kontrolluar detajisht.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat