​Prokuroria Themelore në Prishtinë nis hetimet mbi konkursin për punësim në KEK

Lajme

​Prokuroria Themelore në Prishtinë nis hetimet mbi konkursin për punësim në KEK

Më: 5 prill 2022 Në ora: 19:35
Foto ilustrim

Prokuroria Themelore në Prishtinë njoftoi sot se Departamenti i Krimeve të Rënda - Njësiti për Krime Ekonomike dhe Korrupsion, ka iniciuar hetime lidhur me punësimet në KEK, pas akuzave për punësim në baza familjare e partiake.

Lidhja Demokratike e Kosovës (LDK) ka akuzuar Lëvizjen Vetëvendosje për nepotizëm, duke thënë që kjo e fundit ka emëruar militantët e vet partiakë dhe ka bërë padrejtësi në konkursin e KEK-ut.

Në njoftimin e Prokurorisë thuhet se do të ndërmerren të gjitha veprimet e nevojshme hetimore, me qëllim të sqarimit të plotë të pretendimeve, konform dispozitave ligjore në fuqi.

Sipas LDK-së, në konkurs aplikuan 4668 persona dhe u pranuan 128, e sipas saj, prej këtyre, të gjithë familjarë të KEK-ut dhe militantë të Vetëvendosjes.

Kryeministri Albin Kurti, i cili vjen nga partia në pushtet Lëvizja Vetëvendosje, ka mohuar të ketë pasur punësim të militantëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat