Politikanja serbe në Kosovë, Rada Trajkoviq, i ka reaguar ambasadorin serb në SHBA, Marko Gjuriq, pas takimit që pati në Shtëpinë e Bardhë me presidentin amerikan, Joe Biden.
Trajkoviq, me anë të një postimi në llogarinë zyrtare të saj në ‘Twitter’, e ka vlerësuar si imoral, pasi sipas saj, pati kritikuar SHBA-në një vit me parë.
“Është bukur kur bëhesh kaq imoral; një vit xhiron video propagandistike për Partinë Komuniste të Kinës ku sulmon Amerikën dhe Perëndimin, kurse vitin tjetër viziton me krenari Shtëpinë e Bardhë dhe paraqitesh si transatlantik”, ka shkruar Trajkoviq.
A ovako je nekad bilo…pic.twitter.com/4dCMMFTh3z
— Rada Trajkovic (@trajkovic_rada) April 9, 2022
Në videon e publikuar nga politikanja serbe në Kosovë, Gjuriqi kritikon Aktin e Hong Kongut për të Drejtat e Njeriut, të përpiluar nga SHBA-ja, duke thënë se është “si t’i hidhet benzinit zjarr”.
