Petkoviq e kundërshton Kurtin: Serbët e veriut nuk kanë kurrfarë borxhi për rrymën

Lajme

Petkoviq e kundërshton Kurtin: Serbët e veriut nuk kanë kurrfarë borxhi për rrymën

Më: 22 qershor 2022 Në ora: 10:26
Petar Petkoviq

Drejtori i së ashtuquajturës Zyra për Kosovë në Qeverinë e Serbisë, Petar Petkoviq, është shprehur i kënaqur me marrëveshjen e arritur me Kosovën për energjinë dhe vazhdimin e dialogut.

Ai i tha RTS-së se “pa dyshim që Elektrosever është serbe”.

Petkoviq thotë se pas një takimi me të dërguarin e posaçëm të BE-së për dialogun Kosovë-Serbi, Miroslav Lajçak, zëvendëskryeministri Besnik Bislimi tha hapur se Prishtina ishte e gatshme të fillonte diskutimin për Asociacionin e Komunave me shumicë serbe kur të binte dakord me Beogradin për energjinë.

“Ky udhërrëfyes përcakton saktësisht hapat dhe afatet e të dyja palëve dhe kjo është pika e parë – pritet që Prishtina t’i lëshojë një licencë Elektroseverit”, tha Petkoviç.

Ai ka mohuar ekzistimin e borxheve të banorëve të veriut të Kosovës për rrymë, pasi siç thotë ai nuk ka pasur obligim kontraktual më parë. Përkundër Petkoviqit, kryeministri i Kosovës, Albin Kurti, ka thënë se secili cent i dhënë për mbulimin e shpenzimit të rrymës në veri do të cilësohet si borxh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat