Arrestimi i serbit për djegien e veturave, Petkoviqit i dhemb që Vela po e përmend Radojiçiqin

Lajme

Arrestimi i serbit për djegien e veturave, Petkoviqit i dhemb që Vela po e përmend Radojiçiqin

Më: 1 prill 2023 Në ora: 22:45
Petar Petkoviq.

Një debat është zhvilluar në rrjetin social Twitter mes shefit të stafit të Presidencës, Blerim Vela dhe drejtorit të të ashtuquajturës Zyre për Kosovën në qeverinë e Serbisë, Petar Petkoviq.

Petkoviq i reagoi Velës, pasi ky i fundit, pas arrestimit të M.B në veri tha se ‘banditët e Radoiçiqit do të dalin para drejtësisë për veprat e tyre kriminale’.

Petkoviq tha se Vela do të dëshironte të kishte reputacionin dhe respektin që Milan Radoiçiq ka tek serbët e Kosovës.

“Blerim Vela e ka inkurajuar veten që të përmend Milan Radoiçiqin në Tëitter, ai është kaq “trim”. Ai do të jepte gjithçka për të pasur, të paktën në këshillin e tij vendas, reputacionin dhe respektin që ka Radoiçiq tek të gjithë serbët në Kosovë. Lërini ëndrrat e një zyrtari të vogël PR të shkojnë.
Nuk do të mund të shkaktoni kaos dhe dhunë në veri të Kosovës
”, shkroi Petkoviq.

I menjëhershëm ishte edhe reagimi i Velës, i cili i thotë se në veriun e Kosovës nuk mund të ketë banditë dhe të mbetën të pandëshkuar.

“Petar, në vend që të denonconi djegien e veturave të serbëve vendas vetëm se i kanë të vetmet targa të ligjshme – RKS, ju veproni si mburojë politike për taktikat kriminale dhe terrorizuese të djalit tuaj Radoiçiq. Kosova veriore nuk është Sava Mala ku mund të mbretërojnë banditë dhe të mbeten të pandëshkuar!”.

comment Për komente lëvizni më poshtë
Sot mund të lexoni Shfletoni kopertinat