Ambasadori i Gjermanisë viziton Muzeun e Fëmijëve të Luftës

Lajme

Ambasadori i Gjermanisë viziton Muzeun e Fëmijëve të Luftës

Më: 2 mars 2026 Në ora: 23:34
Foto nga vendi i ngjarjes

Ambasada e Gjermanisë në Kosovë promovon edukimin qytetar dhe të drejtat e njeriut përmes bashkëpunimit me Nisma e të Rinjve për të Drejtat e Njeriut.

Ambasadori i Ambasadës së Gjermanisë në Kosovë, Rainer Rudolph, është pritur në një takim nga drejtoresha ekzekutive e Marigona Shabiu.

Gjatë vizitës, u diskutua mbi rëndësinë e promovimit të vlerave qytetare, mbrojtjes së të drejtave të njeriut dhe edukimit të të rinjve, elemente që konsiderohen thelbësore për funksionimin e demokracisë, njofton kjo ambasadë.

Ambasadori Rudolph pati gjithashtu një vizitë në Muzeun e Fëmijëve të Luftës, i cili është pjesë e punës së Nisma e të Rinjve për të Drejtat e Njeriut. Ekspozita paraqet përvojat e fëmijëve gjatë periudhave të konfliktit dhe synon të ndërgjegjësojë publikun për ndikimet emocionale dhe sociale të luftës.

Përmes këtij aktiviteti, u theksua kontributi i organizatës në shoqërinë civile të Kosovës gjatë më shumë se dy dekadave, duke përfshirë edhe angazhimin në promovimin e dialogut dhe të drejtave të njeriut.

comment Për komente lëvizni më poshtë
Sot mund të lexoni Shfletoni kopertinat