Pema e Vitit të Ri që është vendosur në sheshin “Maqedonia” do të ndizet sonte në ora 19:00, si paralajmërim për festat e Vitit të Ri në Shkup.
Për shkak të pandemisë së coronavirusit, këtë vit ndriçimi i pemës së Vitit të Ri në qendër të qytetit do të jetë simbolik.
Qyteti i Shkupit u bën thirrje qytetarëve që do të dalin në shesh, të respektojnë masat e rekomanduara kundër Covid-19, të mbajnë maska dhe të mbajnë distancën e përcaktuar.
Në sheshin “Maqedonia” sonte do të marrë pjesë edhe kryetari i Shkupit, Petre Shilegov.
