Grubi Gratë e suksesshme të komuniteteve janë shembull për shoqërinë

Maqedonia

Grubi Gratë e suksesshme të komuniteteve janë shembull për shoqërinë

Më: 8 mars 2021 Në ora: 15:14
Foto nga vendi i ngjarjes

Zëvendëskryeministri i parë dhe ministër për sistem politik dhe marrëdhënie ndërmjet bashkësive Artan Grubi sot me rastin e ditës së gruas takoi përfaqësuese të të gjitha komuniteteve që jetojnë në Republikën e Maqedonisë së Veriut.

Grubi bashkë me të pranishmet gjatë shënimit të 8 marsit reflektuan mbi çështjet që lidhen me botën e barazisë gjinore, mbi arritjet e tyre, çështje sociale dhe politike që lidhen me mundësit e barabarta por edhe për hapat që duhen të ndërmerren me qëllim të tejkalimit të zbrazëtirave që ende ekzistojnë.

Gëzime Starova, Izeta Babaçiq, Aspazija Sofijanova, Drita Karahasan, Vaska Mustafa Bajramoska, Aneta Pesheva dhe Bratislava Tanaskoviq janë femra të suksesshme me profesionalizmi e tyre, në komunitetet që u përkasin, por që të gjitha së bashku për gjithë shoqërinë tonë.

Zëvendëskryeministri i parë Grubi gjatë këtij takimi ndër të tjera u ka thënë të pranishmeve se emancipimi i një femre nis me vet emancipimin e burrit.

Grubi gjithashtu me këtë rast ka thënë se nuk duhet që vetëm sot me 8 Mars të kujtohen përpjekjet e femrave, por ato duhet respektuar dhe fuqizuar sistematikisht.

Të gjithë bashkë u pajtuan se prej një rëndësie të veçantë është që të kujtohen të bëmat e femrave të suksesshme me qëllim të fuqizimit të ndikimit të gruas në shoqërinë tonë dhe kjo është pikërisht rëndësia që ka shënimi i 8 marsit.

Grubi bashkë me përfaqësueset e komuniteteve këmbyen mendime dhe u dakorduan se nën sytë e njerëzimit ende vazhdon lufta ndaj të gjitha diskriminimeve dhe dhunës ndaj gruas dhe që kjo betejë duhet dhe do të mbetet konstante.

Zëvendëskryeministri i parë dhe ministër për sistem politik dhe marrëdhënie ndërmjet bashkësive Artan Grubi në fund të këtij eventi tha se faktorizimi i femrës në shoqërinë tonë, mbetet obligim i ynë i përbashkët dhe kusht të cilin duhet të përmbushim.

Image
Image

 

Shfaq komentet
comments powered by Disqus
Sot mund të lexoni Shfletoni kopertinat