OBRM-PDUKM nuk e mbështet “Bechtel Enkan” për ndërtimin e Korridorit 8

Maqedonia

OBRM-PDUKM nuk e mbështet “Bechtel Enkan” për ndërtimin e Korridorit 8

Më: 16 prill 2021 Në ora: 17:16
Foto ilustrim

“OBRM-PDUKM nuk do të mbështet propozimin që, kompania turko-amerikane Bechtel Enka ta ndërtojë Korridorin 8”.

Kështu thonë në partinë e Hristijan Mickoskit, ndërsa kontestojnë konceptin që kjo firmë gjigante ndërtimore, ka lidhur me veprimin e ndërtimit të autostradave.

“Dyshojmë në konceptin se si na është prezantuar mënyra e punimit të kompanisë Bechtel Enka. Deri tani kemi parë vetëm dy-tre faqe – memorandum për mirëkuptim, por pa një projekt konkret apo pa trasë dhe pa shifër konkrete sesa do të kushtonte autostrada e Korridorit 8. Dyshojmë për mundësi korrupsioni dhe, më mirë ato mjete të shkojnë për vaksina dhe prodhim vaksinash, sesa të ndihmojmë korrupsionin në vend”, thonë nga OBRM-PDUKM, ndërsa paralajmërojnë se do të votojnë kundër në Parlament të Ligjit, që u paralajmërua ditë më parë nga zëvendëskryeministri i parë, Artan Grubi për hyrjen e Bechtel Enkas edhe në Maqedoni.

Ata thonë se po të ishin seriozë nga Qeveria dhe të kishin vullnet për të ndërtuar rrugët, do t’i kishin përfunduar së paku ato 10 kilometrat nga Bllaca deri në qarkoren e parë të Shkupit.

Shfaq komentet
comments powered by Disqus
Sot mund të lexoni Shfletoni kopertinat