Janë sanksionuar 916 automjete në territorin e vendit, gjatë një kontrolli aksioni të djeshëm për automjetet që lëvizin me shpejtësi më të lartë se ajo e lejuar e Njësisë mobile për siguri në trafiku rrugor.
“Nga gjithsej 916 automjete të sanksionuara, 107 lëviznin me shpejtësi mbi 50 kilometra në orë më shumë sesa lejohej.
Ndërsa 30 automjete lëviznin me shpejtësi mbi 70 kilometra në orë më shumë se sa është e lejuar”, informojnë nga Ministria e Punëve të Brendshme.
Nga MPB-ja njoftojnë se kontrollet e intensifikuara të trafikut do të vazhdojnë në ditët në vijim dhe u bëjnë apel qytetarëve që t’i respektojnë rregullat dhe dispozita e trafikut në mënyrë që të rritet siguria në trafik.
