Xhaferi: Nuk do të lejoj kushtëzime të Kuvendit!

Maqedonia

Xhaferi: Nuk do të lejoj kushtëzime të Kuvendit!

Më: 21 prill 2021 Në ora: 23:24
Talat Xhaferi

Kryeparlamentari Talat Xhaferi në emisionin 10 Minuta potencoi se nuk do të lejojë që Kuvendi të jetë i kushtëzuar.

Ai mes tjerash tha se ka bërë propozim për ndryshimin e rregullores me rregulla të përkohshme që deputetëve të prekur nga Covid-19 tu mundësohet pjesëmarrja nëpërmjet platformave online, por propozimi është kundërshtuar një zëri nga opozita.   

 “Kam bërë propozim për ndryshim të rregullores me rregulla të përkohshme që në situata të caktuara kur deputetët do të jenë të penguar që të vinë për shkaqe shëndetësore të prekur nga pandemia t’u mundësohet pjesëmarrja dhe vendimmarrja në Kuvend në mënyrë virtuale përmes platformave online, opozita një zëri pa përjashtim e patë kundërshtuar atë mundësi dhe përfundimisht erdhëm në situatë që të kushtëzohemi.

Unë që nga deklarata e parë 27 prill të vitit 2017 kur jam zgjedhur kryetar Kuvendi kam deklaruar që do të jem kryetar i Parlamentit i të gjithë deputetëve që janë në Parlament dhe i gjithë qytetarëve në Maqedoninë e Veriut dhe se nuk do të lejoj në të ardhmen që Parlamenti të jetë i kushtëzuar”, deklaroi Talat Xhaferi – kryetari i Kuvendit të Maqedonisë së Veriut.  

Shfaq komentet
comments powered by Disqus
Sot mund të lexoni Shfletoni kopertinat