LSDM: Mafia urbane e Gruevskit e shkatërroi Shkupin modern

Maqedonia

LSDM: Mafia urbane e Gruevskit e shkatërroi Shkupin modern

Më: 20 tetor 2021 Në ora: 19:45
Foto ilustrim

Nëpërmjet një njoftimi të LSDM-së thuhet se “konsulli i nderit nga Hungaria, Danella Arsovska është kandidatja e Nikolla Gruevskit dhe OBRM-PDUKM-së, të cilët e krijuan kaosin urbanistik në Qendër dhe në Shkup për interesat e mafisë urbane të Gruevskit”.

Sipas LSDM-së, Arsovska emërohet menaxhere e Sallës Rasadnik pikërisht kur Gruevski është ministër i Financave.

“Banorët e Qendrës dhe shkupjanët e mbajnë mend kur shkatërroi Shkupin modern për shkak të Shkupit barok. Banorët e Qendrës dhe shkupjanët e dinë shumë mirë kush shkatërroi gjelbërimin në Shkup dhe pyjet në Vodno. Ata po ashtu e dinë pse OBRM-PDUKM-ja kriminele nuk ka kandidat të tyrin në Qendër dhe Shkup”, thonë nga LSDM.

Ata shtojnë se nga OBRM-PDUKM ende janë të freskëta gjurmët kriminele dhe për këtë shkak, Natasha Kotrla do të mposhtet edhe një herë nga Gerasimovski në Komunën Qendër.

“Shkupjanët e dinë shumë mirë se mafia urbane e Gruevskit e shkatërroi Shkupin modern me projektin e Gruevskit “Shkupi 2014″, dhe pikërisht OBRM-PDUKM do të dënohet në Shkup”, thonë nga kjo parti./

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat