PDSH: Falimentimi i Aleancës për Shqiptarët është lajmi më i mirë

Maqedonia

PDSH: Falimentimi i Aleancës për Shqiptarët është lajmi më i mirë

Më: 6 dhjetor 2021 Në ora: 14:47
Foto ilustrim

Partia Demokratike Shqiptare (PDSH) ka reaguar pas ndërprerjes së bashkëpunimit mes Aleancës për Shqiptarët dhe Alternativës.

Me poshtë mund ta lexoni reagimin e plotë të PDSH-së:

Falimentimi i projektit të tradhëtisë i quajtur së fundmi Aleancë për Shqiptarët është lajmi më i mirë i kohëve të fundit.

Ai proekt që u nis kinse për të reformuar PDSH-në, gjatë rrugës bëri shumë koalicione dhe marrëveshje me subjekte të ndryshme duke nisur me partitë e Gëzim Ostrenit dhe Vesel Mehmedit që u’a përvetësoi edhe emrin e duke vazhduar me BDI-në e Ali Ahmetit dhe LSDM-në e Zaevit kur u’a bënë shumicën parlamentare dhe u bënë pjesë e qeverisë. Pastaj me Besën e Bilall Kasmit dhe Afrim Gashit dhe të gjithë pa përjashtim me lehtësi i tradhëtuan.

Të vetmet marrëveshje ju kanë ngelur me Levica e Apasievit dhe VMRO.

Në palën shqiptare nuk ju ngeli më kush për të tradhëtuar pasi si rrumbullaksim i krejt kësaj me aleancën që lidhën me forcat anti-NATO, anti-BE dhe antishqiptare si puna e Apasievit, përfundimisht shpalosën proektin e tradhëtisë së madhe ndaj shqiptarëve.

Çmontimi i tërësishëm i këtij projekti pëfundimisht e pastron skenën politike dhe organizimin politik të shqiptarëve. Shqiptarët duhet të jenë të lumtur pasi sot u shpall kapitulimi i këtij projekti.

Të gjithë ata që dëshirojnë të kontribojnë për të mirën e shqiptarëve janë të mirëseardhur në Partinë Demokratike Shqiptare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat