Që nga fillimi i pandemisë është evidentuar rritje e përdorimit të antibiotikëve

Maqedonia

Që nga fillimi i pandemisë është evidentuar rritje e përdorimit të antibiotikëve

Më: 14 dhjetor 2021 Në ora: 14:28
Foto ilustrim

Agjencia e barnave dhe paisjeve mjekësore “Malmed”, duke u bazuar në objektivat strategjike te saj që kanë të bëjnë me mbrojtjen dhe avancimin e shëndetit publik , po monitoron nga afër përdorimin e barnave antibakteriale antibiotikët).

Nga Agjencia thonë se që nga fillimi i pandemisë me COVID 19, është evidentuar rritje e përdorimit të antibiotikëve.

“Agjencia e barnave dhe paisjeve mjekësore në interes të shëndetit publik dhe përdorimit të sigurt të barnave, u kujton profesionistëve shëndetësor udhëzimet për përdorimin racional të antibiotikëve, përdorimin e tyre në përputhje me indikacionet përkatëse si dhe dispenzimin e tyre në barnatore vetem me recetë. (në përputhje me dispozitat e përcaktuara në ligj)”.

“Antibiotikët indikohen për trajtimin e infeksioneve bakteriale por jo edhe ato virale. Apelojmë te qytetarët që të mos përdorin antibiotikë për parandalimin dhe trajtimin e infekcionit me korona virusin Covid 19 sipas bindjes së tyre dhe pa konsultim paraprak me mjekun apo farmacistin”, thonë nga Malmed.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat