Konfirmohet rasti i ri i gripit të shpendëve në RMV

Maqedonia

Konfirmohet rasti i ri i gripit të shpendëve në RMV

Më: 21 shkurt 2022 Në ora: 18:26
Foto ilustrim

Agjencia për Ushqim dhe Veterinari pasdite i mori rezultatet nga ekzaminimet laboratorike të Institutit të Veterinarisë pranë Fakultetit të Mjekësisë Veterinare – Shkup, me të cilat te mostra nga një shpend i egër – kormoran nga rajoni i Shtipit, është konfirmuar prania e sëmundjes të gripit të shpendëve.

Për konfirmimin e këtij nëntipi të llojit të virusit, i cili nuk është zbuluar në fermë, por te një shpend i egër i ngordhur që u gjet në natyrë, do të kryhen ekzaminime laboratorike shtesë.

Raport për dyshim të rastit, AUV mori më 18 shkurt, kur nga ana e Shoqatës së Veterinarisë nga Shtipi, mostra nga shpendi i egër është dërguar për ekzaminim laboratorik në Fakultetin për Mjekësi Veterinare – Shkup.

Agjencia për Ushqim dhe Veterinari përgatit një zgjidhje, me të cilën do të zbatohen masa përkatëse për mbrojtje nga përhapja e virusit dhe vënin e tij nën kontroll, përfshirë edhe inspektime shtesë të fermave dhe regjistrim të shpendëve në ferma.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat