Bekteshi: Buka, vaji dhe mielli shiten pa marzhë fitimi

Maqedonia

Bekteshi: Buka, vaji dhe mielli shiten pa marzhë fitimi

Më: 10 mars 2022 Në ora: 15:53
Kreshnik Bekteshi

Ministri i Ekonomisë, Kreshnik Bekteshi sot u shpreh se buka, vaji dhe mielli tip 5400 nga sot shiten pa marzhë fitimi në markete.

Sipas tij, me vendimin e fundit të qeverisë është paraparë marzhë fitimi me shumicë prej 4%, ndërsa me pakicë 3% dhe kjo vlen për bukën, vajin për ushqim, miellin, qumështin, mishin dhe prodhimet e mishit, gjiza, orizi dhe vezët.

Ai shtoi se vendimi i qeverisë ka ardhur me propozim të Ministrisë së Ekonomisë.

Kujtojmë se gjatë ditës së djeshme qeveria miratoi 26 masa kundër krizës dhe mori disa vendime për t’u përballuar me krizën botërore, ndërsa kryeministri Kovaçevski e vlerësoi si krizën më të madhe botërore që nga Lufta e Dytë Botërore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat