Qeveria e Maqedonisë së Veriut planifikon ribalancim të buxhetit

Maqedonia

Qeveria e Maqedonisë së Veriut planifikon ribalancim të buxhetit

Më: 16 mars 2022 Në ora: 14:55
Kuvendi i Maqedonisë

Kryeministri i Maqedonisë së Veriut Dimitar Kovaçevski, sot deklaroi se po punojnë për ribanalcim të buxhetit, si pasojë e krizës globale. Kovaçevski tha se ky është viti më me krizë në Evropë dhe në botë pas Luftës së Dytë Botërore dhe është normale që të ketë ribalancim të buxhetit.

“Në Ministrinë e Financave, shërbimet po punojnë për përgatitjen e ribalancit. Nuk është një proces i thjeshtë. Ajo do të bëhet përmes procedurës së paraparë me ligj dhe kur të jetë në rend dite do të vihet në Qeveri dhe Kuvend”, tha Kovaçevski.

Sa i përket huamarrjes, Kovaçevski theksoi se ajo tashmë është e paraparë në buxhet në vlerë prej 600 milionë euro dhe me shumë një pjesë do të bëhet në tregun e jashtëm dhe një pjesë në tregun e brendshëm.

Qeveria, siç theksoi Kovaçevski, është në kontakt të vazhdueshëm me Bankën Popullore të vendit sepse në kushtet kur ka inflacion të importuar botëror, politika monetare dhe fiskale duhet të koordinohen dhe harmonizohen njëra me tjetrën.

Për borxhin publik, Kovaçevski tha se vitin e kaluar borxhi publik është ulur në 59,9 për qind, por këtë vit për shkak të krizës aktuale do të rritet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat