Qevria e RMV-së miraton Informacionin për fillimin e programimit të Programit të Veprimit për vitin 2023 në kuadër të IPA 3

Maqedonia

Qevria e RMV-së miraton Informacionin për fillimin e programimit të Programit të Veprimit për vitin 2023 në kuadër të IPA 3

Më: 29 mars 2022 Në ora: 16:28
Foto ilustrim

Qeveria e Republikës së Maqedonisë së Veriut në mbledhjen e sotme tematike të 33-të, e shqyrtoi dhe e miratoi Informacionin për fillimin e programimit të Programit të Veprimit për vitin 2023 në kuadër të IPA 3, nga e cila pritet të përcaktohen prioritetet për financimin e programeve dhe projekteve qeveritare të këtij instrumenti për ndihmë paraaderuese të Bashkimit Evropian, njoftojnë nga shtypi i Qeverisë.

“IPA 3 Marrëveshja Kornizë për Partneritet Financiar (FFP) e cila i rregullon marrëdhëniet dhe i përcakton rregullat dhe parimet për zbatimin e IPA 3 është në fazë të konsultimeve ndërministrore dhe pritet të miratohet dhe ratifikohet më së voni deri në shtator të vitit 2022.

Sipas strukturës, IPA 3 është e ndarë në pesë dritare dhe atë :

Sundimi i së drejtës, të drejtat themelore dhe demokracia, Qeverisje e mirë, harmonizimi i legjislacionit, marrëdhëniet për fqinjësi të mirë dhe komunikimi strategjik; Agjenda e gjelbër dhe lidhja e qëndrueshme; Konkurrenca dhe rritja gjithëpërfshirëse; Bashkëpunimi territorial dhe ndërkufitar, ku janë përcaktuar prioritete të shumta tematike”, njoftojnë nga Qeveria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat