UNESCO me vërejtje për qytetarët e Ohrit

Maqedonia

UNESCO me vërejtje për qytetarët e Ohrit

Më: 13 maj 2022 Në ora: 23:34
Foto ilustrim

Panele diellore, kolektorë diellorë, kondicionerë, madje edhe paisje të mëdha satelitore të vendosura në shtëpitë e pjesës së vjetër të Ohrit, janë evidentuar në raportin e fundit të UNESCO-s, dhe nëse banorët nuk duan të paguajnë gjoba, të gjithë ata që jetojnë ne zonën siç njihet nën Kullat e Samoilit, duhet të ndezin oxhaqet e tyre dhe të kthejnë sobat e drurit, dhe ti nxjerrin nga përdorimi paisjet e lartë përmendura.

“Vërejtjet e UNESCO-s në lidhje me mbrojtjen e bërthamës së vjetër të qytetit janë rigoroze”, tha për Tv Alfa, kreu i Institutit dhe Muzeut të Ohrit.

Bëhet fjalë jo vetëm për pamjen e fasadave por edhe për çatitë e shtëpive.

“Këtu mund t’i shihni nga tarraca e zyrës që shumë prej tyre kanë panele diellore, ngrohës solare e shumë paisje të tjera, të gjitha janë të ndaluara dhe nuk duhet të jenë aty”, tha Mishe Tutkovski , drejtor i Institutit dhe Muzeut të Ohrit.

Qyteti i Ohrit është nën mbrotje të UNESCO-s që nga viti 1980, kjo mbrojtje përfshinë liqenin dhe një pjesë të veçantë të qytetit.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat