MPB: Dënohen 290 shoferë për tejkalim shpejtësie

Maqedonia

MPB: Dënohen 290 shoferë për tejkalim shpejtësie

Më: 18 qershor 2022 Në ora: 13:36
Foto ilustrim

Ministria e Punëve të Brendshme gjatë ditës së djeshme më datë 17 Qershor 2022, ka kryer kontroll të intensifikuar aksionar në territorin e Republikës së Maqedonisë së Veriut për sanksionimin e automjeteve që lëvizin me shpejtësi më të madhe se shpejtësia e lejuar, me ç’rast janë sanksionuar 290 shoferë.

Prej tyre, 25 automjete kanë lëvizur me shpejtësi mbi 50 kilometra në orë më shumë se shpejtësia e lejuar, dhe një mjet ka lëvizur me shpejtësi mbi 70 kilometra në orë më shumë se shpejtësia e lejuar.

Kështu, 118 automjete kanë tejkaluar shpejtësinë në vende të banuara dhe 172 në vende të pabanuara.

Gjatë kontrollit aksionar janë evidentuar edhe 107 lloje të tjera kundërvajtjesh.

Aksionet e intensifikuara të kontrolleve vazhdojnë edhe në ditët në vijim.

“U bëjmë thirrje të gjithë pjesëmarrësve në trafik që të respektojnë rregullat e komunikacionit dhe të kontribuojmë së bashku për rrugë më të sigurta”, thonë nga MPB.

commentFirst article
Sot mund të lexoni Shfletoni kopertinat