Macron flet për vendimin e Bullgarisë: Është hap para, por jo fitore

Maqedonia

Macron flet për vendimin e Bullgarisë: Është hap para, por jo fitore

Më: 24 qershor 2022 Në ora: 21:00
Presidenti Francës Emanuel Macron

Presidenti Francës Emanuel Macron, vendi të cilit mban presidencën e BE-së, ka folur në lidhje me vendimin e Kuvendit të Bullgarisë për të miratuar propozimin francez për zgjidhjen e kontestit me Maqedoninë e Veriut.

Macron e ka përgëzuar Kuvendin bullgar për votën e sotme, përcjell Telegrafi Maqedoni.

“Dua të përgëzoj parlamentin bullgar për votën e sotme që i hap rrugën për mundësinë e heqjes së vetos dhe për fillimin e negociatave për Maqedoninë e Veriut dhe për rrjedhojë edhe për Shqipërinë. Do të punoj me çështje teknike të nevojshme për të formalizuar një marrëveshje në ditët në vijim me bullgarinë dhe Maqedoninë”.

“Do të thosha se e gjithë makineria evropiane është e gatshme dhe doja të falënderoja kryeministrin e Bullgarisë, por edhe koalicionin e tij, të gjitha forcat politike për këtë votë. Nuk mund të thërrasim fitore, por gjithsesi është një hap përpara, tani drejtimin ia pasojmë presidencës së Republikës së Çekisë”, tha Macron.

Ndryshe, me shumicë votash sot Kuvendi i Bullgarisë e autorizoi kryeministrin për të larguar veton ndaj Maqedonisë së Veriut. Megjithatë, nga Bullgaria zyrtare kanë deklaruar se do të miratojnë mbajtjen e konferencës së parë ndërqeveritare me Shkupin, pasi të miratohet protokolli dypalësh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat