OBRM-PDUKM: MASH të jap llogari për harxhimet për materialet për mësim

Maqedonia

OBRM-PDUKM: MASH të jap llogari për harxhimet për materialet për mësim

Më: 26 shtator 2022 Në ora: 20:46
Foto ilustrim

OBRM-PDUKM ka akuzuar Ministrinë e Arsimit dhe Shkencës (MASH) se ka shpenzuar gjysmë milionë euro për materiale për mësim. Këto të fundit përkohësisht do të shfrytëzohen nga nxënësit e arsimit fillor që tashmë po zbatojnë konceptin e ri mësimor.

Zëdhënësja e kësaj partie, Miteva tha se dikasteri i Arsimit duhet të japë llogari se kush i ka miratuar këto materiale, kush e ka përcaktuar këtë çmim të lart dhe kush përfiton nga botimi i këtyre materialeve.

“Janë paguar gjysmë milioni euro për të ashtuquajturat materiale të cilët do të shërbejnë një herë. Mbulohet mos aftësia e Qeverisë për të siguruar tekstet shkollore në kohë dhe krijohet hapësira për përfitime individuale”.

“Ky është edhe një tjetër skandal i madh në sistemin arsimor ku pushteti kriminal i LSDM-së po bën para, ndërsa po bëhet kolapsi total i sistemit dhe institucioneve. Publiku pret përgjigje – kush përfitoi 530,000 € për materialet e përkohshme mësimore?”, deklaroi Marija Miteva.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat