Kovaçevski: Nuk është koha për pikë dhe duele politike

Maqedonia

Kovaçevski: Nuk është koha për pikë dhe duele politike

Më: 1 tetor 2022 Në ora: 17:31
Kryeministri Dimitar Kovaçevski

Kryeministri Dimitar Kovaçevski vlerëson se nuk është koha për pikë politike dhe tenderë dhe ftesa për duele dhe takime, duke komentuar thirrjen e kryetarit të OBRM-PDUKM-së, Hristijan Mickoski, për duel televiziv për krizën energjetike dhe ekonomike.

Lidhur me ofertat që OBRM-PDUKM po i përmend këto ditë në media, kryeministri beson se ato tashmë i kanë dorëzuar në EMV ashtu siç ka kërkuar dhe theksuar drejtori Vasko Kovaçevski.

Kryeministri tha se ky dimër dhe krizë e vështirë do të kalohet vetëm nëse të gjithë jemi të fokusuar në gjetjen e zgjidhjeve që do të ofrojnë energji dhe ushqim për qytetarët.

Ai shton se në Këshillin e kaluar Ekonomik në përbërje të zgjeruar, ftesë i është dërguar edhe OBRM-PDUKM-së, por në seancë nuk është paraqitur asnjë përfaqësues i partisë opozitare.

“Ftesa për ta mbetet e hapur për Këshillin e ardhshëm Ekonomik, i cili do të mbahet këtë të mërkurë në orën 12:00. Qeveria është e hapur dhe natyrisht se janë të mirëpritur të prezantojnë zgjidhjet që i kanë”, thekson kryeministri Kovaçevski në një deklaratë për AIM-në.

Mickoski sot i ka dërguar ftesë zv. kryeministrit për Çështje Ekonomike, Fatmir Bytyqi, në një takim në selinë e partisë, për t’ia shpjeguar planin dhe konceptin për rimëkëmbjen e ekonomisë dhe ndihmën për bizneset.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat