Dorëheqja e Milevskit dorëzohet në Kuvend

Maqedonia

Dorëheqja e Milevskit dorëzohet në Kuvend

Më: 4 tetor 2022 Në ora: 13:54
Goran Milevski

Dorëheqja e ministrit të Vetëqeverisjes Lokale, Goran Milevski, tashmë u është dorëzuar deputetëve pasi që sot Qeveria e dërgoi në Kuvend.

Nga Kuvendi njoftojnë se do të japin informata shtesë se në cilën seancë do të konstatohet dorëheqja e Milevskit.

Milevski pas dorëheqjes tha se është koha për ndryshime.

“Pas 3 vitesh që kam qenë ministër i Vetëqeverisjes Lokale, mendoj se është koha për ndryshime dhe në këtë pozitë të vijë një staf tjetër i PLD-së”, tha më herët Milevski për “Lokalno”.

Sipas informacioneve nga Partia Liberal-Demokratike, për këtë post ministror do të propozohet Risto Penov, për të cilin ende nuk është dorëzuar propozim në Kuvend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat