ISHP: Numri i duhanpirësve në RMV është 45.4 për qind

Maqedonia

ISHP: Numri i duhanpirësve në RMV është 45.4 për qind

Më: 27 tetor 2024 Në ora: 20:20
Foto ilustrim

Numri i duhanpirësve aktivë në Maqedoni sipas hulumtimit të Institutit për Shëndet Publik (ISHP) është 45,4 për qind.

Vetëm 5 për qind e qytetarëve e kanë lënë me sukses duhanin vitet e fundit.

Përdorimi i duhanit në vendin tonë është shumë i lartë.

“Në qendrat e këshillimit për lënien e duhanit, të cilat funksionojnë në kuadër të qendrave të shëndetit publik në të gjithë vendin, ka frekuentim shumë të vogël. Në 2023, vetëm 43 persona erdhën në qendrat e këshillimit për lënien e duhanit, që është një numër shumë i vogël. Domethënë nuk ka interes të madh për lënien e duhanit tek popullata”, thonë nga Instituti.

Kujtojmë se duhani është një nga rreziqet më të mëdha për çrregullimet shëndetësore.

comment Për komente lëvizni më poshtë
Sot mund të lexoni Shfletoni kopertinat