Erza Muqolli në muajin mars me performancë në Prishtinë - Bota Sot
Erza Muqolli në muajin mars me performancë në Prishtinë

Muzikë

Erza Muqolli në muajin mars me performancë në Prishtinë

Më: 16 janar 2020 Në ora: 18:28
Erza Muqolli

Koncertin e parë në Kosovë Erza Muqolli e mbajti në muajin korrik të vitit të kaluar në kuadër të eventit “Ta zbardhi ftyrën".

Por, mbresat që Erza la në atë mbrëmje kanë bërë që ky të mos jetë koncerti i saj i vetëm në Kosovë.

Kësaj radhe, këngëtarja e njohur shqiptare e cila karrierën e saj po e zhvillon në Francë, do të performojë në muajin mars në Prishtinë në kuadër të Muajit të Frankofonisë.

Babai i saj, Mehmet Muqolli ka konfirmuar duke treguar që pas koncertit të parë në bashkëpunim me KultPlus, kjo ishte një tjetër ftesë të cilën ata e mirëpritën me kënaqësi.

Hapja e Muajit të Frankofonisë do të bëhet me këngëtaren franko-shqiptare Erza Muqollin, koncerti i secilës do të mbahet më datë 5 mars.

Erza Muqolli është duke mahnitur me suksesin e saj. Pas publikimit të albumit të parë, ajo është duke zhvilluar një tur. Kujtojmë që në këtë album Erza këndon edhe në gjuhën shqipe.

Sot mund të lexoni Shfletoni kopertinat