Ekskluzive: Këta janë disa nga emrat e kandidatëve për deputetë nga LDK

Politika

Ekskluzive: Këta janë disa nga emrat e kandidatëve për deputetë nga LDK

Nga: G.B Më: 11 janar 2021 Në ora: 15:00
LDK

Tashmë kanë filluar edhe përzgjedhjet e kandidatëve për deputetë për listat zgjedhore të partive.

E Lidhja Demokratike e Kosovës ka filluar me disa prej tyre.

Nga Dega e III-të e LDK-së në Prishtinë do të jenë Arban Abrashi, Avdi Pireva dhe Doruntina Maloku.

Kështu kanë bërë të ditur burime brenda LDK-së për gazetën “Bota sot”.

Aktualisht Abrashi është ministër në detyrë i Infrastrukturës, ndërsa Maloku deputete.

Nga dega e II-të e LDK-së në Prishtinë, kandidat për deputet do të jetë Florian Dushi, që aktualisht është zëvendësministër në Ministrinë e Drejtësisë.

Kandidatë për deputetë nga dega e LDK-së në Istog janë Ilir Ferati, Shkëmb Manaj dhe Besart Dreshaj.

Ferati e ka konfirmuar këtë për "Bota sot" kandidimin.

Ai dhe Manaj janë deputetë edhe në këtë legjislaturë, ndërsa Dreshaj zëvendësministër në Ministrinë e Punës dhe Mirëqenies Sociale.

Përpos këtyre, kandidat nga Malisheva për deputet do të jetë edhe deputeti Fetah Rudi.

“Bota sot” do t’ju mbajë të informuar për emra të tjerë.

Shfaq komentet
comments powered by Disqus
Sot mund të lexoni Shfletoni kopertinat