I vetquajtur si analist dhe i përkrahur maksimalisht nga bordi i RTK-së, ku edhe ky i fundit cilësohet i kapur nga PDK-ja, Ardian Kastrati para pak ditësh aderoi zyrtarisht në partinë e tanimë Enver Hoxhajt.
I proklamuar vazhdimisht si analist, Ardian Kastrati gjithmonë me tendenca sulmonte partitë e tjera, duke e mbrojtur PDK-në.
Ardiani asnjëherë s’ka qenë analist, një mashë në duart e PDK për të sulmuar këdo që shpaloste të vërtetat e klanit "Pronto".
Këshu thotë analisti politik, Faton Mehmeti, i cili në një prononcim për “Bota sot” thotë se Kastrati është përfitues dhe lodër në duart e klanit " Pronto".
“Ardian Kastrati është përfitues, lodër në duart e klanit " Pronto". Ardiani ka qenë qysh herët në PDK, së fundi veç e ka zyrtarizuar një gjë të tillë. Pra, Ardiani ishte pjesë e strategjisë së PDK që të sulmonte VV, por edhe LDK nga studiot televizivi. Ardiani asnjëherë s’ka qenë analist, një mashë në duart e PDK për të sulmuar këdo që shpaloste të vërtetat e klanit " Pronto"”, tha Mehmeti.
Duke e komentuar aderimin e Ardian Kastratit në PDK, Mehmeti thotë se RTK-ja e promovoi vazhdimisht atë, duke e ditur se do aderojë në PDK.
Mehmeti thotë se me inkuadrimin e Ardianit edhe zyrtarisht, PDK dëshmon se ka akoma "analistë të tjerë" në studio të RTK, që në fakt janë zëdhënës të klanit " Pronto".
“Të kujtojmë se Ardiani së pari është proklamuar nga RTK, një organ i PDK, dhe nga aty në studio tjera duke propaganduar gjoja në emër të "analistit të pavarur". Ardiani është tipilogjia e PDK, një parti e të keqës dhe e papërmisuar. Më inkuadrimin e Ardianit edhe zyrtarisht, PDK dëshmon se ka akoma "analistë të tjerë" në studio të RTK, që në fakt janë zëdhënës të klanit " Pronto". Aridan Kastrati është imazhi i shëmtuar i PDK, e cila në vend të reformimit vetëm sa po degradohet edhe më shumë”, u shpreh Mehmeti për “Bota sot”.
