Krasniqi pajtohet që Labinot Tahiri ta zëvendësoj Arben Vitinë në Ministrinë e Shëndetësisë: Është humanist i madh!

Politika

Krasniqi pajtohet që Labinot Tahiri ta zëvendësoj Arben Vitinë në Ministrinë e Shëndetësisë: Është humanist i madh!

Nga: A.Z Më: 22 tetor 2021 Në ora: 21:19
Labinot Tahiri

Ish-deputeti i Kosovës, Labinot Tahiri, i është drejtuar kryeministrit Albin Kurti përmes një shkrimi të publikuar në Facebook.

Tahiri në këtë shkrim të gjatë, po kërkon që të bëhet ministër i Shëndetësisë, pas largimit të Arben Vitisë nga ky post. Labi thotë se do të punonte pa rrogë, vetëm e vetëm që të realizojë atë që sipas tij e duan qytetarët.

Analisti Islam Krasniqi, në një prononcim për "Bota sot", ka potencuar se është propozim i mirë, madje ai pranon që të kontribuoj edhe pa rrogë.

Sipas Krasniqit, Tahiri me iniciativën e tij, do të mund t’i pajiste spitalet me teknologjitë e reja, si dhe duke u siguruar edhe trajtime mjekësore atyre që kanë nevojë për trajtim jashtë shtetit.

“Mua më pëlqej propozimi i këngëtarit z. Labinot Tahiri, i cili shprehu gatishmërinë që të zëvendësojë z.Vitia, saktësisht Ministrin në ikje, i cili pranon të kontribuojë pa rrogë. Solisti z.Tahiri është një humanist i madh, i cili ka ndihmuar 10-tra veta duke ju siguruar mjetet për shërim jashtë vendit, e që më një iniciativë të tij do t'i pajiste spitalet tona me teknologjinë më të re, pa shpenzuar asnjë cent nga taksapaguesit e republikës së Kosovës, duke ju siguruar edhe trajtimet mjekësore në spitalet tona atyre qytetarëve që kanë nevojë për trajtim jashtë shtetit. Edhe pse posti i ministrit është një kafshatë e madhe, unë do të akceptoja kërkesën e tij, duke besuar në vullnetin e tij dhe gatishmërinë që ka në këtë profesion, e që edhe qeveris do t'i rritet besimi sepse Labi është punëtor, humanist dhe punën do ta bëjë në mënyrë humane”, ka potencuar Krasniqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat