Ahmeti: Ky është grupi që u mundua me çdo kusht që ta relativizojë fitoren e VV-së në zgjedhjet nacionale

Politika

Ahmeti: Ky është grupi që u mundua me çdo kusht që ta relativizojë fitoren e VV-së në zgjedhjet nacionale

Nga: A.Z Më: 23 nëntor 2021 Në ora: 17:17
Foto ilustrim

Në zgjedhjet lokale në Kosovë, Lëvizja Vetëvendosje ka arritur të fitojë më së paku komuna, vetëm 4 prej tyre. Profesori Fadil Maloku ka renditur disa nga arsyet të cilat kanë çuar në këtë gjendje të LVV-së. 

Sipas tij, mungesa e kuadrove me etikë dhe moral të shquar social, nënçmimi i kundërshtarëve politik, kundërthëniet dhe luhatjet në procesin e profilizimit ideologjik janë disa nga shkaqet e kësaj gjendjeje.

"Ja pse u zvogëlua Vv!
(Ose: VV humbjen e zgjedhjeve lokale, midis tjerash duhet kërkuar edhe te;
- KUNDÊRTHËNIET dhe luhatjet në procesin e profilizimit ideologjik,
- DELIRIUMI i vetëkënaqësisë histerike që u krijua ad hoc me14 shkurt,
- PAMUNDËSIA e të gjykuarit në mënyrë të lirë e sovrane,
- MUNGESA e kuadrove me etikë dhe moral të shquar social,
- ZBEHJA meterorite e prestigjit të brendshëm dhe atij publik,
- MOSKONSISTENCA e premtimeve të dhēna rreth krimit dhe sidomos korrupsionit,
- MUNGESA e një satisfaksioni të mbarē sociopolitik,
- NËNÇMIMI i kundërshtarëve politik,
- STIGMATIZIMI dhe paragjykimi sistematik i mercenarizmit mediatik,
- SHKARKIMI dhe emrimi ad hoc i bordeve, me logjikën e bedelizmit,
- UNIFORMITETI i të menduarit dhe vepruarit, - ... ka edhe shumë tjera",
ka thënë ai,

Lidhur me këtë, analisti Hidajet Ahmeti, në një prononcim për “Bota sot”, ka deklaruar se në rezultatin e LVV kanë ndikuar shumë faktor, duke filluar nga programi jo i përshtatshëm deri tek mungesa e strukturave të konsoliduara.

Sipas Ahmetit, në rezultat kanë ndikuar edhe mediet e ish pushtetit që janë munduar me çdo kusht ta relativizojnë fitoren e LVV-së.

“Natyra e zgjedhjeve lokale dallon nga ato nacionale dhe kushdo që mundohet me interpretuar si natyrë e njëjta e zgjedhjeve bën gabim. Ka një mori faktorësh që kanë ndikuar në rezultatin e VV-së në zgjedhjet lokale, duke filluar nga kandidatët jo adekuat, programi jo i përshtatshëm në raport me kërkesat qytetare, por edhe mungesa e strukturave të konsoliduara në nivel lokal. Por, duhet të kemi të qartë se, edhe një pjesë e medieve të ish pushtetit, shoqërisë civile që me çdo kusht janë munduar me relativizu fitoren e VV-së në zgjedhjet nacionale”, theksoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat