Lideri i Lëvizjes Vetëvendosje, Albin Kurti ka një vit që e ka marr postin e kryeministrit të Kosovës.
Analisti politik, Faton Mehmeti, në një prononcim për “Bota sot”, ka folur për vitin e parë të udhëheqjes së Qeverisë Kurti2.
Ai ka thënë se kjo Qeveria ka pasur sukseset dhe mossukseset e saj.
“Në një vjetorin e saj, qeveria Kurti 2 ka brenda saj disa sukseset dhe po ashtu disa mos sukseset, e të cilat në rastin më të shumtë nuk janë për faj të saj”, ka thënë.
Mehmeti i ka cekur disa nga sukseset e Qeverisë së udhëhequr nga kryeministri Kurti.
“Gjithsesi sukseset kryesore të saj mund të themi se janë: asnjë aferë korruptive, shkollimi i lartë falas, shkarkimi i bordeve me militantë partiake duke i kthyer ato në njerëz profesionist, rritja e pensioneve, subvencionimi i bujqve, largimi i monopolit të naftës, dhe kryesorja për herë të parë Serbia u mësua të respektoj vendimet e institucioneve të Kosovës kur bëhet fjalë për vendimet e saj, konkretisht për mos mbajtën e referendumit”, ka thënë ai për “Bota sot”.
Po ashtu, Mehmeti i ka numëruar edhe dështime e Qeverisë Kurti2.
“Ndërsa si dështim mund të quhet mosnjohja e Kosovës nga shtete që nuk e kanë njohur, mos miratimi ende i ligjit të pagave që sa më shumë zvarritet aq më shumë rëndon xhepin e qytetareve të vendit. Kështu që, në përgjithësi qeveria Kurti merr notën pozitive, si asnjë qeveri deri tani për një vjetorin e saj me gjithë këto suksese”, ka përfunduar Mehmeti për “Bota sot”.
