“Ne mund të hymë në Evropë vetëm si evropianë”/ Analisti jep një arsye interesante përse Kosovës nuk po i hiqen vizat

Politika

“Ne mund të hymë në Evropë vetëm si evropianë”/ Analisti jep një arsye interesante përse Kosovës nuk po i hiqen vizat

Nga: M.L. Më: 24 qershor 2022 Në ora: 17:01
Foto ilustrim

Qytetarët e Kosovës, ditën e enjte u zgjuan me plot shpresë për realizimin e ëndrrës së tyre për të qenë të barabartë me evropianët e tjerë, për ta shfrytëzuar lirshëm të drejtën e lëvizjes, shkruan "Bota sot".

Por, as fjalimi prekës i presidentes Vjosa Osmani para vendeve anëtare të Bashkimit Evropian e as premtimet e shumta nga po këto vende nuk i sollën Kosovës liberalizimin e vizave.

Ndër vite, Kosova ka ngelur si i vetmi vend në Ballkanin Perëndimor, qytetarët e së cilës duhet të marrin vizë për të udhëtuar jashtë vendit.

E për analistin Leon Duhanaj, çështja e liberalizimit të vizave për Kosovën, po kthehet në një sagë të vërtetë.

Image
Leon Duhanaj

 

Ai në një prononcim për gazetën “Bota sot” ka përmendur disa faktorë që ndikojnë në stagnimin e këtij procesi.

“Për mendimin tim, janë disa faktorë të cilët determinojnë këtë lloji hutie.

Në radhë të parë, është mënyra e vendimmarrjes në BE, e cila duhet të ndryshohet nga vota me unanimitet, në vendimmarrje të shumicës.

Së dyti, problem duket të jetë edhe qasja destruktive e disa vendeve anëtare, qoftë në raport me njohjen, qoftë në raport me liberalizimin e vizave.

Sikur të ekzistonte një formë tjetër e vendimmarrjes, nuk do të sfidoheshim kaq shumë”, shprehet Duhanaj.

Megjithatë, ai mendon se çelësi i dështimeve të njëpasnjëshme qëndron te Kosova.

Analisti rikujton se Kosova pati një shans të futjes në paketë në zonën Shengen në 2016 bashkë me Gjeorgjinë, e të cilën e humbi vet.

Sipas tij, edhe tani edhe pse zyrtarisht i kemi plotësuar kriteret e kërkuara, akoma vazhdon të ketë shtete hezituese.

Për mendimin tim, shumica e dyshimeve qëndrojnë në formën se si sillemi ne, qoftë në politikë, qoftë në jetën e përditshme si shoqëri.

Në politikë, kemi politikan që në mënyrë selektivë i zbatojnë ligjet, apo marrëveshjet dhe ketë di e gjithë bota, e që nuk është sinjal i mirë dhe, mënyra se si prezantohemi para botës dhe kjo për mendimin tim është vendimtare në ketë aspekt.

Ne duhet të jemi të vetëdijshëm se bota ka qenë dhe mbetet e ndikuara nga disa vlera dalluese, kulturore, politike apo edhe fetare.

Mbi këto vlera dallohen edhe qeverisjet në botë. Pra Bashkimi Evropian është i ndërtuar mbi vlera të pastra perëndimore dhe të cilat konsiderohen si me të avancuarat dhe me njerëzoret, vlera të cilat me të drejtë i kërkojnë edhe nga aspiruesit për t'u bashkuar.

Shpeshherë dëgjojmë zëra të cilët e cilësojnë përkatësinë fetare të shqiptarëve si shumicë si pengesë. Kjo është me së e vërtetë nëse analizën do ta bënim p.sh: Turqinë si shtet i madh dhe i cili ka devijuar nga baza kushtetuese e shtetit të ataturkut”, thekson Duhanaj.

Ai shton se shteti model i Ataturkut, ka pasur pretendime legjitime të integrimit në BE, por shteti i Erdoganit, as nuk ka pretendime, por as nuk ka shans.

Edhe Kosova i ka dy faza të prezantimit të sajë.

Është faza e paraluftës ku shqiptarët, pa dallim feje me shumicë absolute besonin në vlerat e qytetërimit evropian.

Si dhe kohën e pasluftës, ku dita ditës rritën vlerat anti- evropiane.

Ketë e tregojmë në Kosovë. Ketë e tregojmë edhe në diasporë, ku shqiptarët në vend të përvetësimit të vlerave evropianë apo modelin Ataturk, e zgjodhën modelin Erdogan. Deshëm apo jo, bota po na sheh si potencial destruktiv ekstremist. Ketë po e dëshmojmë çdo ditë”, ka potencuar ai.

Ai thotë se kjo nuk nënkupton se përkatësia fetare është problemi, por mënyra se si preferojmë ta ushtrojmë atë.

Shqiptarët e Kosovës, para luftës ishin me përqindje me të madhe islame sa që janë tani.

Pra nuk është feja problemi, por mënyra e manifestimit të sajë.

Ketë analizë mund ta bëj sot secili qytetarë i Kosovës duke analizuar mënyrën e sjelljes së shqiptarëve në vitet e 80-a, 90-a dhe tani

Ne, por dhe asnjë komb, nuk mund të pretendojmë të integrohemi në Evropë, duke synuar instalimin e vlerave të huaja apo të besuara vetanake.

Ne mund të hymë në Evropë vetëm si evropian. Askush nuk të do në shtëpinë e tij, nëse nuk je i gatshëm t'ia respektosh tëndin familjar”, është shprehur Duhanaj.

Në fund, analisti ka thënë se shqiptarët, për fat të keq, po e dëshmojnë të kundërtën e asaj çfarë ishin deri para dy dekadave, kur edhe u futën agjenturat e huaja duke na e blerë jo vetëm mallin, por edhe shpirtin

commentFirst article
Sot mund të lexoni Shfletoni kopertinat