Kush po i frikësohet Vettingut në drejtësi/ Juristi tregon arsyen e rezistencës në Prokurori dhe Gjykata!

Politika

Kush po i frikësohet Vettingut në drejtësi/ Juristi tregon arsyen e rezistencës në Prokurori dhe Gjykata!

Nga: A.SH Më: 28 qershor 2022 Në ora: 22:45
Foto ilustrim

Komisioni Evropian për Demokraci, përmes Ligjit, i njohur ndryshe si Komisioni i Venecias, ka mbështetur draft-dokumentin për vetingun të përpiluar nga Ministria e Drejtësisë dhe projektligjin për konfiskimin e pasurisë së pajustifikueshme.

Jursiti Muhamet Kelmendi ka komentuar këtë duke thënë se, kjo i është dashur Kosovës shumë më herët.

Image
Muhamet Kelmendi

 

“Është gjë e kuptueshme se në Republikën e Kosovës kërkohet të zhvillohet një VETTING në sistemin e drejtësisë, përkatësisht në prokurori dhe nëpër gjykata. Dhënia e mendimit pozitiv nga Komisioni i Venecias se në Kosovë lypset të bëhet VETTING-u, në mënyrë që të ndërtohet një shtet i së drejtës, është gjë shumë pozitive dhe i ndihmon shumë organet në përgatitjen e ligjit adekuat dhe të mekanizmave për zbatimin e VETTING-të”, ka thënë ai.

Sipas tij, kërkohet që Ministria e Drejtësisë të kërkoi ndihmë nga UE, nga shtetet dhe mekanizmat kompetent.

“Në këtë rrugë të vështirë po të domosdoshme kërkohet që Ministria e Drejtësisë të kërkojë ndihmë nga UE, nga shtetet dhe mekanizmat kompetent. Nuk duhet lejuar që vetëm për vetëm të ndërtohet infrastruktura ligjore dhe organet. Kjo formë e punës dështon, sepse interesat janë shumë të mëdha nëpër prokurori dhe në gjykata, për çka edhe dështon VETTING-u. Këtu është e qartë se rezistenca fillon nga Komisioni Prokurorial i Kosovës dhe nga Komisioni Gjyqësor i Kosovës. Këto dy organe gjenden në vijën e parë ku fillon VETTING-u të zbatohet”, shprehet ai.

Në fund, ai thotë se në VETTING ballafaqohen të gjithë prokurorët dhe gjyqtarët, si dhe anëtarët e KPK dhe të KGJK, përkatësisht të gjithë në sistemin e drejtësisë, mundet edhe më gjerë.

“Duke i ditur këto është e domosdoshme që VETTING-u të bëhet me përkrahje të faktorit të jashtëm. Me këtë përkrahje dhe angazhim direkt merr përmasa më të sigurta dhe rezistenca nuk do të jetë e lartë nga prokurorët dhe gjyqtarët. Kemi të bëjmë me njerëzit e përgatitur dhe të aftë për çdo punë, gjë që edhe rezistenca për deformimin e VETTING-ut është e madhe. Nuk ka mekanizëm juridik në Kosovë që nuk do të jetë kundër. Në VETTING ballafaqohen të gjithë prokurorët dhe gjyqtarët, si dhe anëtarët e KPK dhe të KGJK, përkatësisht të gjithë në sistemin e drejtësisë, mundet edhe më gjerë. Kjo e bën të vështirë implementimin e VETTING-ut në sistem, në gjykata e në prokurori, në tërë sistemin juridik. Mirëpo, mu kjo tregon domosdoshmërinë e VETTING-ut. Pa këtë mjet juridik nuk shërohet sistemi juridik dhe nuk ndërtohet shteti i së drejtës. VETTING-u është i domosdoshëm”, përfundon jursiti për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat