Votojnë qytetarët e parë në “Faik Konica”, Oruqi thotë se janë bërë gjitha përgatitjet

Prishtina

Votojnë qytetarët e parë në “Faik Konica”, Oruqi thotë se janë bërë gjitha përgatitjet

Më: 17 tetor 2021 Në ora: 07:41
Është hapur qendra e votimit 1903e në shkollën "Faik Konica" në Prishtinë

(E plotësuar) - Është hapur qendra e votimit 1903e në shkollën "Faik Konica" në Prishtinë, ku tashmë kanë votuar qytetarët e parë. Ata urojnë që për kryeqytetin të vijnë ditë më të mira.

Menaxherja e kësaj qendre, Jehona Oruqi ka bërë te ditur se gjithçka ka shkuar sipas planit dhe se janë përgatitur me te gjithë materialin e nevojshëm.

Ajo tha po ashtu se në këtë qendër të drejtë vote në këtë qendër të votimit kanë 7 mijë e 411 qytetarë.

Oruqi: Çdo gjë ka filluar në orën 7

“Çdo gjë ka filluar në orën 7 në mëngjes, kur kemi pasur edhe votuesit e parë. Qendra jonë i ka 7 mijë e 411 votues dhe i ka 9 vendvotime... Që nga dje kanë filluar të gjitha përgatitjet, qendra është përgatitur, të gjitha vendvotimet janë pajisur me të gjitha materialet”, tha ajo.

E qytetarët e parë që kishin dalë për të votuar thanë se është e rëndësishme që secili të ushtrojë këtë të drejtë kushtetuese.

Kështu një nga votuesit e kësaj qendre, Gani Arifi tha se nga zgjedhjet e sotme pret më shumë se nga ato në të kaluarën.

Arifi: Presim diçka më mirë nga këto zgjedhje

“Presim diçka më mirë se në të kaluarën. Po shpresojmë... Është shumë e rëndësishme nëse del e gjithë popullata, e kemi obligim qytetar”, tha ai.

Në shkollën “Faik Konica” votoi edhe qytetarja Erblina Brahimi, e cila shprehet optimiste për të ardhmen.

Brahimi: Uroj të bëhet më mirë

“Inshalla fiton më i miri dhe bëhet më mirë”, tha ajo.

Në Kosovë të drejtë vote kanë 1 milion e 885 mijë e 448 qytetarë. Ndërsa këto janë zgjedhjet e shtata komunale që nga paslufta në Kosovë.

***

Është hapur qendra e votimit 1903e në shkollën "Faik Konica" në Prishtinë, ku tashmë kanë votuar qytetarët e parë.

Menaxherja e kësaj qendre, Jehona Oruqi ka bërë te ditur se gjithçka ka shkuar sipas planit dhe se janë përgatitur me te gjithë materialin e nevojshëm.

Ajo tha poashtu se në këtë qendër të drejtë vote në këtë qendër të votimit kanë 7 mijë e 411 qytetarë.

"Qendra është hapur në orën 7 në mëngjes, vetëm se kemi pasur votuesit e parë. Qendra jonë ka gjithsej 9 vendvotime dhe gjithsej i ka 7 mijë e 411 votues që janë në qendrën tonë", tha ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat