Balla: E patolerueshme që Meta vonon dekretimin e buxhetit të shtetit

Shqipëria

Balla: E patolerueshme që Meta vonon dekretimin e buxhetit të shtetit

Më: 3 dhjetor 2020 Në ora: 13:06
Taulant Balla

Kreu i Grupit Parlamentar Socialist, Taulant Balla e ka quajtur të patolerueshme veprimin e  presidentit të vendit, Ilir Meta duke vonuar dekretimin e projektligjit të buxhetit të shtetit.

Ai thekson se kur ai e vonon atëherë vonohen edhe përgatitjet që bën qeveria në lidhje me vaksinën apo çështje të tjera të vendit.

Ai ka thënë se fondi i Abu Dabit e ka mbështetur në 7-8 vite duke qenë se marrëveshjet kanë kaluar në Kuvend

“Është një marrëveshje e rëndësishme e negociuar në kohë rekord, falë deputetëve kalojmë në këtë procedurë të përshpejtuar në ndërtimin e 2 mijë banesave në Durrës të prekur nga tërmeti i 26 nëntorit. Fondi i Abu Dabit e ka mbështetur në 7-8 vite duke qenë se marrëveshjet kanë kaluar në Kuvend. Mbaj mend që princi i kurorës ishte një ndër të parët që sillte ndihmat për bashkëkombësit e popullit shqiptar. Sot jemi në këto kushte ku miqtë emiratas i gjenden Shqipërisë me këtë marrëveshje. Për sa i përket vonesave, mjafton të hidhni sytë në internet që të shikoni vende të prekura nga fatkeqësi. Për shembull tërmeti në Zelandën e Re apo në Italinë fqinje. Ajo që doja të thoja është se shifrat e rindërtimit janë shifra që flasin vetë. Ka vënë në dispozicion 280 mln dollarë për rindërtimin, nëse nuk do të kishim rikuperuar ekonominë nuk do të ishim  këtu. Në pranverën e 2021 do të marrë përgjigjen përfundimtare. Së pari dua të them edhe dy fjalë për dekretin e projektligjit të policisë së shtetit. Ligji është diskutuar prej një kohe të gjatë ka marrë disa muaj, është diskutuar edhe me institucione të tjera dhe gjej rastin të falënderoj ministrin e brendshëm në korrektesën me kuvendin. Të gjitha përpjekjet që në krye është vënë Ilir Meta që për turpin e tij natën largohet me ish-policë të larguar nga policia e shtetit e ditën bën sikur shqetësohet për policët. Policia është garant i zbatimit të ligjit, është e papranueshëm të vonosh dekretimin e buxhetit të shtetit që lidhet me blerjen e vaksinës, për turpin e tij e vonon duke vonuar përgatitjet që bën qeveria në lidhje me vaksinën”, tha Balla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat