Ndërpritet puna në Aeroportin Ndërkombëtar “Nënë Tereza” në Rinas.
Njoftimin e jep vetë aeroporti përmes faqes zyrtare në Facebook ku shpjegon se, shkak është bërë protesta e stafit të Agjencisë së Trafikut të Kontrollit Ajror.
Bllokimi ka zgjatur nga ora 09:23 deri më 09:55, ndërsa më pas kanë rifilluar operimet.
Njoftim
Sot, më 7 Prill 2021, nga ora 9.23 deri në ora 09.55, orë lokale, janë ndërprerë operimet në Aeroportin Ndërkombëtar të Tiranës, për shkak të mungesës së stafit në Agjencinë e Trafikut të Kontrollit Ajror. Dy fluturime janë prekur nga ky fakt, Aegean Airline me destinacion Athinë-Tiranë dhe Air Albania me destinacion Stamboll-Tiranë, që do të ketë 40 minuta vonesë. Aegean Airline është kthyer sërish në Athinë. Operimet kane rifilluar në 09.55 dhe Aegean pritet të riniset për të sjellë pasagjerët në Tiranë.
Tirana International Airport
