Pas vrasjeve në Elbasan, zëvendësohet shefi i hetimit të krimit

Shqipëria

Pas vrasjeve në Elbasan, zëvendësohet shefi i hetimit të krimit

Më: 14 maj 2021 Në ora: 10:19
Ilustrim

Ngjarjet e rënda që kanë tronditur ditët e fundit qytetin e Elbasanit janë bërë shkak për lëvizje në drejtorinë e policisë së Elbasanit.

Burimte bëjnë me dije se shefi i hetimit, Gjon Gecaj, është transferuar në sallën operative të drejtorisë së policisë Lezhë.

Ai është zëvendësuar  nga Krenar Guçe, i cili ka qenë më parë shef i sektorit anti drogë në drejtorinë e policisë Tiranë dhe se fundmi oficer në sektorin e krimeve të rënda.

Ngjarja e fundit që tronditi qytetin e Elbasanit ishte vrasja mafioze e Everest Çakës në sy të bashkëshortes së tij.

Një person i vetëm, i veshur sportiv, me kapuç në kokë dhe një maskë kirurgjikale, rezulton të jetë njeriu që mbrëmjen e 11 majit ka qëlluar plot 14 plumba në drejtim të Everest Çakës, i njohur edhe me emrin Ibrahim.

Hetimet për këtë krim të rëndë vijojnë ndërsa ende nuk ka një autor të dyshuar.

comment Për komente lëvizni më poshtë
Sot mund të lexoni Shfletoni kopertinat