Në krah të Berishës/ Bylykbashi: Demokracia e brendshme nuk duhet të humbasë

Shqipëria

Në krah të Berishës/ Bylykbashi: Demokracia e brendshme nuk duhet të humbasë

Më: 29 shtator 2021 Në ora: 21:50
Oerd Bylykbashi

Deputeti i PD-së Oerd Bylykbashi, i cili sot ishte bashkë me Berishën në qytetin e Durrësit  thotë se zhvillimet e fundit në kampin blu nuk duhet kurrsesi të ndikojnë në humbjen e demokracisë së brendshme.

“Zhvillimet e fundit na tregojnë qartë që jemi para problemeve, që lidhen me demokracinë e brendshme, gjë që është një problem i madh dhe ne duhet ta trajtojmë”, tha ai.

Ai theksoi se kryetari i partisë nuk mundet t’i ndalojë anëtarësisë të drejtën për t’u shprehur me votë, sepse kjo është një e drejtë që e përcakton statuti.

“Ajo që i referohemi vendimit të kryetrarit Basha për përjashtimin është vetëm fundi i kësaj që diskutojmë. Kemi dëgjuar, që kryetari thotë për moslejimin e votimit nga anëtarësia, por ky është një proces që është jashtë kontrollit të kryetarit dhe kjo është një e drejtë që e përcakton statuti”, shtoi ai.

Vendimin për të përjashtuar Berishën ai e cilëson si vendim të kryetarit dhe të pabazuar në statutin e Partisë Demokratike.

“Unë që atë natë kur u mor vendimi, që ai vendim ishte i kryetarit nuk përputhej me statutin. Nuk gjykoj që është një vendim që i ka bërë mirë PD-së”, theksoi ai

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat