Zbardhet si u grabit sot noteri i njohur, i lidhën djalin dhe gruan: Na jep 100 mijë euro, ose…

Shqipëria

Zbardhet si u grabit sot noteri i njohur, i lidhën djalin dhe gruan: Na jep 100 mijë euro, ose…

Më: 20 tetor 2021 Në ora: 15:55
Ilustrim

Detaje të reja janë zbardhur nga grabitja nën kërcënimin e armëve mëngjesin e sotëm në apartamentin e noterit Th.Koçi.

Mësohet se po këqyret vendi për të mbledhur kamerat e sigurisë në zonë. Dalja e qytetit po kontrollohet nga një postbllok i ngritur enkas nga forcat “Shqiponja”.

Grabitësit mësohet se i kanë kërkuar noterit 100 mijë euro, ndoshta me idenë që kjo shumë ka qenë brenda në banesë, por noteri i ka dhënë vetëm 20 milionë lekë të vjetra që kishte aty. Ata kanë marrë çelësat e një mjeti “Range Rover” Vogue dhe një automjeti “Mercedes-Benz”, në pronësi të noterit, por kur kanë dalë nga banesa, nuk i kanë marrë mjetet.

Po hetohet edhe një pistë tjetër, ajo për shkak të detyrës, pasi noteri prej kohësh është nën hetim nga Prokuroria e Sarandës për “shpërdorim detyre” si i përfshirë në disa shit-blerje të paligjshme dhe të falsifikuara apartamentesh në Sarandë. Ai ka qenë në banesë me bashkëshorten dhe djalin, ku grabitësit kanë hyrë me kallashnikov, i kanë lidhur dhe ju kanë marrë paratë. Ndërkohë, mësohet se bashkëshortja e noterit ka qenë drejtoreshë banke më herët.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat