Nishani për Bashën: Po luan teatër, ja pse nuk arrihet

Shqipëria

Nishani për Bashën: Po luan teatër, ja pse nuk arrihet

Më: 21 tetor 2021 Në ora: 16:33
Bujar Nishani

Partia Demokratike depozitoi ditën e mërkurë në Kuvend 3 amendamentet e saj, ku propozonte vetting në politikë, reformë të re territoriale dhe reforma zgjedhore.

Vettingu në politikë ka qenë një nga çështjet më të diskutuara, ndërsa vetë kreu i PD Lulzim Basha ka pranuar që hetimi të nisë nga vetë ai i pari.

Lidhur me këtë çështje ka reaguar edhe ish presidenti Bujar Nishani, i cili u shpreh se Basha po luan teatër me këtë çështje.

Nishani deklaroi se PD nuk i ka e vetme votat për të miratuar këtë propozim, ndërsa shtoi se kryeministri Edi Rama nuk do e votonte kurrë vetingun në politikë.

“Është teatër kjo e Bashës sepse dihet që PD nuk i ka votat në parlament. Nëse do të kishte një nismë, Basha duhet të kishte nisur procedurat për referendumin mbarëpopullor. Të bëhej një vetting i vërtetë dhe jo nga institucionet e kapura”, tha Nishani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat