Elisa Spiropali takon Yuri Kim, ja çfarë u diskutua

Shqipëria

Elisa Spiropali takon Yuri Kim, ja çfarë u diskutua

Më: 22 tetor 2021 Në ora: 20:44
Foto nga takimi

Minsitrja e Shtetit për Marrëdhëniet me Parlamentin Elisa Spiropali është takuar ditën e sotme me ambasadoren e SHBA në Shqipëri Yuri Kim. Ajo ka ndarë foto në rrjetet sociale ku shkruan se Shqipëria është përzgjedhur për të marrë pjesë në  “Samitin për Demokraci”, iniciativë e Presidentit Biden.

“Prita sot në zyrë Ambasadoren Amerikane Yuri Kim, Drejtorin për Çështjet Ndërkombëtare të Narkotikëve dhe Zbatimit të Ligjit, Z. Benjamin A. Rockwell, dhe Shefen e USAID, Zj.Mischere Kawas.

Shqipëria është përzgjedhur të marrë pjesë në “Samitin për Demokraci”, iniciativë e Presidentit Biden që bën bashkë udhëheqës botërorë dhe aktorë të tjerë nga vende demokratike, si një mundësi për të ndarë përvoja dhe thelluar bashkëpunimin në mbrojtjen dhe avancimin e demokracisë kudo në botë.

Filluam punën për të koordinuar agjendën e përbashkët të samitit si një mundësi e shkëlqyer për Shqipërinë për të punuar edhe më ngushtë me partnerët tanë”, shkruan Spiropali. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat