​Lihen në burg dy të rinjtë që shoqëronin Aldi Ramën kur vrau nënkomisar Saimir Hoxhën

Shqipëria

​Lihen në burg dy të rinjtë që shoqëronin Aldi Ramën kur vrau nënkomisar Saimir Hoxhën

Më: 27 tetor 2021 Në ora: 10:07
Aldi Rama

Gjykata e Apelit në Shkodër la në fuqi masën e arrestit me burg pa afat për dy të rinjtë që shoqëronin Aldi Ramën ditën kur qëlloi për vdekje me armë nënkomisar Saimir Hoxhën.

Apeli la të pandryshuar vendimin e Shkallës së Parë, duke rrëzuar kërkesën e Armando Markut dhe Kristjan Sherrit, të cilët kërkonin një masë më të butë.

Ndaj dy të rinjve është ngritur akuza “moskallëzim krimi”, pasi të martën e 28 shtatorit, kur u vra oficeri Saimir Hoxha në Vain, ata ndodheshin në makinë me autorin e krimit, 21-vjeçarin Aldi Rama.

Aldi Rama ekzekutoi me armë oficerin e Policisë së Lezhës, Saimir Hoxha, më 28 shtator. Pas kryerjes së vrasjes, ai arriti t’i shpëtojë ndjekjes së Policisë për disa orë, duke u fshehur në një zonë pranë vendit të ngjarjes. I rrethuar nga Forcat Speciale, ai nuk pranoi të dorëzohej por qëlloi veten me të njëjtën armë dhe ndërroi jetë një ditë më pas në Spitalin e Traumës në Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat