Statistika të frikshme për Bulqizën, e cila vijon të përballet me lëkundjet e tërmetit.
Në 48 orët e fundit janë ndjerë 7 lëkundje tërmeti. Ndërkohë nga lëkundja e fuqishme e mëngjesit të së premtes e cila ishte me magnitudë 4.5 rihter numri i banesave të dëmtuara ka shkuar në 62 në të gjithë Bulqizën.
Kjo ka futur në panik banorët, të cilët po kërkojnë të strehohen përkohësisht në çadra.
Kryebashkiaku i Bulqizës, Lefter Alla, bën të ditur se dëme janë shënuar pothuajse në të gjitha njësitë administrative, ku mes tyre veçohet dëmtimi i dy pallateve në Bulqizë dhe dy në Krastë.
Duke qenë se Bulqiza është zonë sizmike banorët po qëndrojnë në ankth nga frika e lëkundjeve më të forta.
