Patozi: Demokratët janë në krizë

Shqipëria

Patozi: Demokratët janë në krizë

Më: 8 dhjetor 2021 Në ora: 15:55
Astrit Patozi

Ish kryeministri Sali Berisha dhe kreu i PD Lulzim Basha kanë përkujtuar 8 dhjetorin, ditën e demokracisë. Por ndryshe nga herët e tjera, këtë vit Basha dhe Berisha e përkujtuan këtë datë të ndarë nga njëri tjetri.

Ish koordinatori i Bindjes Demokratike Astrit Patozi, ka komentuar këtë situatë, ku deklaroi se demokratët janë më të përçarë dhe të përulur.

Në një intervistë televizive, Patozi u shpreh se pluralizmin në Shqipëri e solli PD dhe si e tillë ajo duhet të ishte e bashkuar.

Sipas tij, besueshmëria tek publiku është shumë e ulët.

“Qeveria apo mazhoranca ishte e bashkuar në një sallë koncertesh ndërsa PD ishte e përçraë duke sulmuar demokratët. Kjoështë një panoramë që shkakton keqardhje. PD duhet të jetë krenare për 8 dhjetorin. Për fat të keq, sot demokratët janë përkulur sepse janë në një pikë krize, janë në kuotën më të ulët të besueshmërisë së publikut dhe të paqartë për të ardhmen e vet. Kjo e përmbys panoramën e 8 dhjetorit. PD ishte partia që shënoi rikthimin e pluralizmit. Kjo tregon që asgjë në këtë botë nuk merr atë që duhet. Politika është dinamike dhe nuk ka as fitore as humbje të përjetshme”, tha Patozi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat