Gazetari i përmend 21 janarin, flet Sali Berisha

Shqipëria

Gazetari i përmend 21 janarin, flet Sali Berisha

Më: 21 janar 2022 Në ora: 00:27
Sali Berisha

Ish-kryeministri Sali Berisha ka folur në lidhje me protestën e 8 janarit duke thënë se ishte një protestë paqësore.

Gazetari Luan Rama risolli dhe njëherë në vëmendje protestën e 21 janarit, ku ish-kryeministri Berisha tha se janë dy protesta të cilat nuk mund të krahasohen me njëra-tjetrën, pasi më 8 janar asnjë efektiv policie nuk mbeti i plagosur.

Luan Rama: Nesër është 21 janari dhe po të sjellim pamjet e 21 janarit të turmës kundër qeverisë kur ju ishit Kryeministër, për të parë dhunën.

Berisha: Të më falësh, por në gjithë këtë demonstratë të 8 janarit, për shkak të karakterit të saj thellësisht paqësor, nuk u gërvisht një njeri i vetëm nga pala kundërshtare. Kjo nuk ka ndodhur kurrë në Tiranë, nuk u gërvisht asnjë polic dhe mos mendo se ajo nuk mund të bëhej e dhunshme, por ishte shpallur paqësore dhe mbeti e tillë. Në një kohë kur banditët brenda kishin bombagazi, shurdhues, pluhura toksisë. Pra, janë dy botë krejt të ndryshme.

Ata që krahasojnë plumbat në lule të ballit me goditjet e një dere ata kanë problem e me veten e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat