Zgjedhjet lokale në 6 bashki/ LSI ngre shtabin elektoral për caktimin e kandidatëve

Shqipëria

Zgjedhjet lokale në 6 bashki/ LSI ngre shtabin elektoral për caktimin e kandidatëve

Më: 24 janar 2022 Në ora: 14:39
Foto ilustrim

Lëizja Socialiste për Integrim njofton se ka ngritur shtabet elektorale për caktimin e kandidatëve për kryebashkiakë në gjashtë bashkitë, ku do të zhvillohet zgjedhjet në 6 mars.

Përmes një njftimi, LSI shkruan se ka nisur punën përsa i përket rolit të saj në zgjedhjet e pjesshme lokale. “Sipas ligjit, LSI ka një rol të rëndësishëm në administrimin zgjedhor, përmes përfaqësuesve të saj në KZAZ, në qendrat e votimit, si dhe në tavolinat e numërimit të votave.

Shtabi Elektoral i LSI-së do të drejtohet nga Koordinatori Politik i Qarkut dhe do te përbëht nga: Koordinatori Politik i Qarkut, Kryesia e LSI-së në bashki, kryesia e forumit të gruas dhe kryesia e forumit rinor, Delegatës e Konventës Kombëtare, sipas bashkive respektive”.

Bashkitë që aktualisht nuk kanë një kryetar janë Durrësi, Shkodra, Dibra, Lushnja, Vora dhe Rrogozhina. Qytetarët e këtyre bashkive do të votojnë në 6 mars, ndërkohë që ende pritet që partitë të dalin me kandidatët e tyre zyrtarisht.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat