Policia kontrolle blic, arrestohet 17-vjeçari/ Së bashku me vëllain tentuan të vrisnin me armë kunatin

Shqipëria

Policia kontrolle blic, arrestohet 17-vjeçari/ Së bashku me vëllain tentuan të vrisnin me armë kunatin

Më: 4 shkurt 2022 Në ora: 14:38
Foto ilustrim

Forcat Shqiponja dhe rrugorja e Vlorës, si rezultat e një kontrolli blic nëpër qytet ka kapur një shtetas të shpallur në kërkim.

Bëhet fjalë për shtetasin E.K., 17-vjeç, i cili është dënuar nga gjykata e Vlorës për veprat penale ”Vrasja për shkak të marrëdhënieve familjare”, mbetur në tentativë dhe ”Mbajtja pa leje dhe prodhimi i armëve, armëve shpërthyese dhe i municionit”.

Ky i fundit në bashkëpunim me vëllain e tij, shtetasin K.K., i cili është arrestuar më herët kanë tentuar të vrasin me armë zjarri kunatin e tyre, i cili gjithashtu është arrestuar pasi dhunoi motrën dhe babin e dy vëllezërve. Ngjarja ka ndodhur më datë 21 dhjetor të vitit 2020.

Nga kontrollet e përbashkëta policore u bë kapja dhe ndalimi i shtetasit E. K., 17 vjeç, banues në lagjen “Partizani”, Vlorë, pasi Gjykata e Rrethit Gjyqësor Vlorë, me vendimin e datës 01.11.2021, i ka caktuar masën e sigurisë “Arrest në burg” për veprat penale ”Vrasja për shkak të marëdhënieve familjare”, mbetur në tentativë dhe ”Mbajtja pa leje dhe prodhimi i armëve, armëve shpërthyese dhe i municionit”.

Në vijim të veprimeve hetimore për ngjarjen e ndodhur më datë 31.12.2020, në Vlorë, ku është tentuar të vritet me armë zjarri, shtetasi Xh. M., ka rezultuar se i përfshirë në këtë ngjarje ka qenë edhe shtetasi E. K.

Për këtë ngjarje, më datë 31.12.2020, është arrestuar në flagrancë shtetasi K. K., i cili në bashkëpunim me vëllain e tij, shtetasin E. K., kanë tentuar të vrasin me armë zjarri shtetasin Xh. M., i cili gjithashtu është arrestuar në flagrancë, pasi ka ushtruar dhunë fizike ndaj motrës dhe babait të dy vëllezërve”, njofton policia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat