8 marsi, protestë e lule/ Gratë e vajza mesazhe kundër dhunës, kërkojnë më shumë të drejta

Shqipëria

8 marsi, protestë e lule/ Gratë e vajza mesazhe kundër dhunës, kërkojnë më shumë të drejta

Më: 8 mars 2022 Në ora: 15:30
Ilustrim

Në ditën e tyre ndërkombëtare, gratë e vajzat shqiptare ngritën zërin për më shumë të drejta e barazi gjinore. Mes protestash apo momentesh festive 8 Marsi është një ditë që risjell në vëmendje rolin e pazëvendësueshëm që kanë gratë në familje e shoqëri.

Në ditën ndërkombëtare të grave e vajzave Flavia Osmani ngriti zërin për më shumë të drejta e barazi gjinore.

Ajo thotë se shumë vajza në Shqipëri jetojnë mes pamundësive dhe vështirësive ndaj këtë 8 Mars duhet protestuar për to.

Në një tjetër organizim, aktivistet e shoqërisë civile përcollën mesazhe kundër dhunës.

Për të drejtat e grave protestuan edhe burrat. Erjoni, thotë se ato nuk respektohen dhe paguhen më pak se meshkujt.


Në këtë 8 Mars nuk mungoi sensibilizimi as për vajzat e Ukrainës.

Vitin e kaluar në Shqipëri humbën jetën 16 gra e vajza. Në kujtim të tyre në qendër të Tiranës u vendosën këto këpucë të kuqe, në formën e një instalacioni.

Por teksa disa protestuan, të tjerë festuan.

Rrugët e kryeqytetit u zbukuruan këtë të marta nga gra e vajza me lule në duar.

Mes protestash apo momentesh festive 8 Marsi është një ditë që risjell në vëmendje rolin e pazëvendësueshëm që kanë gratë në familje e shoqëri.

comment Për komente lëvizni më poshtë
Sot mund të lexoni Shfletoni kopertinat