Protestë tjetër kundër rritjes së çmimeve/ Fermerët bllokojnë autostradën Lushnjë-Fier

Shqipëria

Protestë tjetër kundër rritjes së çmimeve/ Fermerët bllokojnë autostradën Lushnjë-Fier

Më: 11 mars 2022 Në ora: 09:28
Foto ilustrim

Pas protestave të shumta në disa qytete të vendit, rritja e çmimit të naftës dhe produkteve bazë të shportës ushqimore, ka nxjerrë në rrugë disa dhjetëra banorë në Lushnjë.

Fermerët e Lushnjës, Fierit dhe Divjakës kanë dalë në protestë kundër rritjes së çmimeve të produkteve të nevojshme për bujqësinë. Ata kundërshtojnë rritjen e çmimit të naftës, por dhe plehrave kimikë.

Fermerët janë mbledhur në vendin e quajtur “Pushimi i Shoferit”, ndërkohë që forca të shumta policie janë mobilizuar në terren për të penguar që qytetarët të bllokojnë autostradën Lushnjë-Fier.

Me forcë, ata kanë çarë kordonin e policisë dhe më pas janë ulur këmbëkryq në mes të rrugës duke bllokuar qarkullimin e automjeteve.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat