Dita e pestë e protestave, tubimi i sotëm është thirrur në orën 11:00

Shqipëria

Dita e pestë e protestave, tubimi i sotëm është thirrur në orën 11:00

Më: 13 mars 2022 Në ora: 09:17
Protesta

Qytetarët dhe shoqëria civile kanë paralajmëruar vazhdimin e protestave kundër rritjes së çmimeve në vend.

Sipas njoftimit të shpërndarë në rrjetet sociale pro edhe deklaratave të organizatorëve në ditën e djeshme, tubimi në Tiranë do të fillojnë ditën e sotme në orën 11:00 në qendër të kryeqytetit për të vijuar më pas drejt kryeministrisë.

Kërkesa kryesore e protestuesve është vendosja nën kontroll e çmimeve dhe nisja e hetimeve për operatorët që mund të kenë abuzuar me qëllim përfitimi nga situata e krijuar nga situata në Ukrainë.

Bordi i transparencës i krijuar nga qeveria urdhëroi dje që deri më datën 15 mas çmimi i naftës të jetë 217 lekë për litër.

Javën e kaluar çmimi i naftës arriti kulmin me 270 lekë për litër.

Protestuesit fajësojnë qeverinë për mosveprim ndaj rritjes së çmimeve në vend ndërkohë që veç karburanteve çmimet kanë shënuar rritje edhe te produktet ushqimore.  

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat